Mkurugenzi Manspaa Kigoma Ujiji azuru Sokoni

Na. Mwandishi wetu, Kigoma

Mkurugenzi wa Manispaa ya Kigoma Ujiji Bi. Mwantum Mgonja Leo Julai 30, 2023 amefanya ziara Soko la Masanga kwa lengo la kukagua miundombinu na ufanisi wa Soko katika kuhudumia  Wakazi wa Manispaa hiyo

Katika ziara hiyo Mkurugenzi ameambatana na Mkuu wa divisheni ya Biashara na uwekezaji Bw. Robert Sabhoya na Mwekahazina wa Manispaa Bw. Osward Mwakalasi

Katika ziara hiyo ya kutaathimini uwekezaji na kukagua mazingira ya biashara, Mkurugenzi huyo amekutana na Kuongea na  Mwenyekiti wa Soko Ndugu. Jafet John Nayingo  ambapo amemuelezea changamoto za soko hilo  na kuahidi kuzitatua

Bw. Nayingo amemweleza mkurugenzi kuwa mazingira ya soko ni mazuri japo kuna changamoto ndogo ndogo za uelewa ambazo zinatakiwa kutatuliwa kwa kutoa elimu kwa wafanyabiashara kuhusu mifumo mbalimbali ya kiserikali

Aidha Mkurugenzi ameongea na mfanyabiashara mmoja mmoja huku akifanya ununuzi wa baadhi ya bidhaa ndani ya soko hilo na kufurahishwa na namna wakazi wa mansapaa ya kigoma wanavyojituma katika kufanya shughuli halali za kjkuza uchumi